ராணுவம், போலீஸ், சிறை அதிகாரிகள், அரச பயங்கரவாதம் Lion Raja Ganesan
சட்டம் யாருக்காக ? ராணுவம் காவல்துறை எல்லாம் யாருக்காக அன்றைக்கு மன்னர்களுக்காக இன்றைக்கு ஆளும் பிரதமர், ஜனாதிபதி போன்ற உயர் பதவியில் இருப்பவர்களுக்காக, – கடவுள் , அரசர் , அரசு : ஒரே அடக்குமுறை இயந்திரம் மனிதன் குற்றம் – தண்டனை என்ற அமைப்பை உருவாக்கிய நாளிலிருந்தே , “ சட்டம் ” என்பது நீதிக்கான கருவி அல்ல ; அதிகாரத்தை காக்கும் கம்பியாகவே இருந்திருக்கிறது . இரண்டாயிரம் ஆண்டுகளுக்கு முன் உருவான சட்டங்கள் ஏழையை ஒடுக்க , உழைப்பவனை மிரட்ட , சொத்துடையவரை காப்பாற்றவே எழுதப்பட்டன . திருடனுக்கு தூக்கு ; பாலியல் குற்றம் என்று பெயர் வைத்து உடலை நசுக்கும் தண்டனை . சமூக சீர்திருத்தம் அல்ல – பயம் . இந்த பயத்தை நிலைநாட்டிய முதன்மை ஆயுதம் கடவுள் . சட்டமும் மதமும் பிரிக்கப்படாத காலத்தில் , “ தண்டனை கடவுளின் ஆணை ” என்று மனித மூளைக்குள் திணிக்கப்பட்டது . தலையை வெட்டும் கொலையாளி கடவுளின் பெயரைச் சொன்னான் . அது பக்தி இல்லை ; கொலைக்கு சாமி சான்றிதழ் . பெரியார் தெளிவாகச் சொன்னார் : கடவுள் மனிதனை உருவாக்கவில்லை – மனிதன் தான்...